المقادير :
شعيريه ملفوفه
عصاج لحم
بطاطس مسلوق
جبن سائل
قشطه
ملح وفلفل
جبن موزريلا
الطريقه :
- اول شي بقولكم عن الطريقه اللي معتمدتها لعصاج اللحم وتنفع لأي طبخه تحتاجين فيها العصاج
اطبخي اللحم المفروم واذا بدأ ينشف حطي عليه بصل وثوم مفرومين وقلبيهم
قطعي فلفل رومي صغار واضيفيهم للحمه واتركيه يذبل
ثم اضيفي (ملح -بهارات - بودرة بابريكا - اوريغانو - كركم -كمون - فلفل اسود )
بالخلاط حطي طماطم +صلصه + مكعب ماجي + شوي زيت زيتون وصبيهم ع اللحمه ولما تبدأ تتسبك اضيفي شوي من صلصة اتش بي الزرقاء وشوي دبس رمان
وبعد ماتتشبك رشي شوية سكر وقلبي لحد ماتحسين ان اللحم ذاب بعدها طفي النار وانركيه
- نجي للمكرونه ... اسلقيها بصينيه عميقه وحاولي انها تحافظ على شكله واول ماتستوي انقليها على صينية الفرن بسرعه
- حطي مقدار ملعقه تقريبا من العصاج بكل عش
- اهرسي البطاطس المسلوق واعجنيه بملعقة قشطه وملعقة جبن وشوية ملح وفلفل
- شكليه بشكل كرات وحطيها فوق العش >> ع اساس انه بيض
- رشي الوجه بالموزريلا ودخليها الفرن لحد ماتذوب الجبنه وتتحمر
- هالمكرونه تصلح للي عيالها او اخوانها ماياكلون .. بتعجبهم سالفة العش والبيض